• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ملتان میں قبضہ مافیا زور پکڑنے لگا، پولیس کی کارروائیاں نہ ہونے کے برابر

میرا شہر
ملتان
23 اپریل ، 2022
ملتان (سٹافرپورٹر )ملتان میں قبضہ مافیا زور پکڑنے لگا لیکن پولیس کی کارروائیاں نہ ہونے کے برابرہیں۔ ایس ایس پی آپریشنز ملتان نے قبضہ مافیا بارے اطلاعات کے باوجود کارروائیاں نہ ہونے کی تفصیلات منگوا لیں ۔ایس ایس پی آپریشنز حسام بن اقبال کی جانب سے ایس پیز کو جاری مراسلہ میں کہا گیا ہے کہ گزشتہ چند ماہ میں قبضے کی 1239 اطلاعات پولیس تک پہنچیں، سب سے زیادہ اطلاعات صدر اور گلگشت ڈویژن سے آئیں، صدر ڈویژن سے 507 اور گلگشت ڈویژن سے 429 قبضے کی اطلاعات موصول ہوئیں، اسی طرح کینٹ سے 270 اور سٹی ڈویژن سے 33 اطلاعات موصول ہوئیں ، لیکن ان اطلاعات پر کاروائی نہ ہونے کے برابر ہے، ایس ایس پی آپریشنز نے ایس پیز سے 7 یوم میں کارروائیوں کی تفصیلات طلب کر لی ہیں جبکہ قبضہ مافیا کے خلاف اب تک کیے گئے اقدامات کی رپورٹ بھی منگوا لی ہے۔
ملتان سے مزید