• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

دعوت ذکرو فکر ڈیرہ اللہ ھو نیو ملتان میں ختم کلام پاک کی محفل

میرا شہر
ملتان
30 اپریل ، 2022
ملتان( سٹاف رپورٹر) دعوت ذکرو فکر ڈیرہ اللہ ھو نیو ملتان جامع مسجد الجنت میں ختم کلام پاک کی محفل میں امیر دعوت ذکر وفکر خواجہ محمد یوسف نقشبندی نے خطاب کرتے ہوئے کہا کہ ہمارا دل اور سینہ قرآن پاک جیسی مقدس کتاب سے ہی منور ہے ۔رمضان شریف میں جب قرآن پاک نماز تراویح میں سنایا جاتا ہے تو خدائے بزرگ و برتر کی رحمتیں نازل ہوتی ہیں ۔اس بابرکت مہینے کے رخصت ہونے سے قبل ہمیں بڑھ چڑھ کر صدقہ و خیرات دینا چاہیے تاکہ مستحق او ر غریب افراد بھی عید الفطر کے اس پرمسرت موقع پر ان خوشیوں میں شامل ہوسکیں ۔انہوں نے کہا کہ اپنے ارد گرد کے لوگوں کو بھی صدقات و فطرات دیتے وقت لازمی یاد رکھیں۔آخر میں ملک کی سلامتی و استحکام ،امت مسلمہ کے اتحاد کے لئے بھی خصوصی دعا کی گئی ۔
ملتان سے مزید