فرمان الہی
نماز کے اوقات
ملتان(سٹاف رپورٹر)ہائیکورٹ ملتان بینچ میں 9مئی سے4جون تک ججز کا نیا روسٹر جاری کردیا گیا۔ ہائیکورٹ ملتان بینچ میں نئے ججز روسٹر میں 4 ڈویژن جبکہ 9 سنگل بینچ تشکیل دیے گئے ہیں۔پہلے ڈویژن بینچ میں جسٹس شاہد کریم اور جسٹس راحیل کامران کیسز پر سماعت کریں گے، دوسرے ڈویژن بینچ میں جسٹس اسجد جاوید گھرال اور جسٹس علی ضیاء باجوہ کیسز پر سماعت کرینگے۔ تیسرے ڈویژن بینچ میں جسٹس سہیل ناصر اور جسٹس شان گل کیسز پر سماعت کرینگے، چوتھے ڈویژن بینچ میں جسٹس شکیل احمد اور جسٹس محمد رضا قریشی تمام سول کیسز پر سماعت کرینگے۔ ہائیکورٹ بہاولپور بینچ میں دو ڈویژن جبکہ پانچ سنگل بینچ تشکیل دیے گئے ہیں، بہاولپور بینچ میں جسٹس جواد حسن اور جسٹس سلطان تنویر ڈویژن بینچ میں کیسز کی سماعت کرینگے۔بہاولپور بینچ میں جسٹس انوار الحق پنوں اور جسٹس محمد وحید خان ڈویژن بینچ میں کیسز کی سماعت کرینگے۔ بہاولپور سنگل بینچ میں جسٹس انوار حسین بھی کیسز پر سماعت کرینگے، ججز روسٹر 9 مئی سے 4 جون تک کیسز کی شنوائی کرے گا۔
