• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشاور میں تجاوزات کیخلاف میگا کریک ڈائون، 15افراد گرفتار

میرا شہر
پشاور
19 مئی ، 2022
پشاور ( وقائع نگار )صوبائی دارلحکومت پشاور میں کمشنر پشاور ڈویژن ریاض خان محسود اور ڈپٹی کمشنر پشاور شفیع اللہ خان کی ہدایت پر ایڈیشنل اسسٹنٹ کمشنر محمد اظہر خان نے ڈپٹی ڈائریکٹر ایسٹ زون میڈم زوالحجہ کے ہمراہ بیری باغ کے علاقے میں قبرستان میں قائم تجاوزات کے خلاف آپریشن کرتے ہوئے تجاوزات کا خاتمہ کرتے ہوئے کار سرکار میں مداخلت پر 15افراد کو گرفتار کر لیا۔ اس حوالے سے بیری باغ کے علاقے میں قبرستان میں قائم تجاوزات کے خلاف آپریشن کا آغاز کیا گیا۔ موقع پر کسی بھی ناخوشگوار واقع سے بچنے کے لیے پولیس کی بھاری نفری کو تعینات کیا گیا تھا۔آپریشن کے دوران بھاری مشینری کی مدد سے بیری باغ کے علاقے میں قبرستان میں قائم تجاوزات کا خاتمہ کرتے ہوئے موقع سے کار سرکار میں مداخلت پر 15 افراد کو گرفتار کر لیا گیا۔ضلعی انتظامیہ پشاور کے مطابق بیری باغ کے علاقے میں قبرستان میں تجاوزات قائم کی گئی تھیں اور ان افراد کو کئی بار نوٹس دیے گئے تھے کہ وہ بذات خود اپنی تجاوزات ہٹا دیں لیکن ان پر کو ئی اثر نہیں ہو رہا تھا جس پر ضلعی انتظامیہ نے آپریشن کرتے ہوئے تجاوزات کا خاتمہ کر دیاڈپٹی کمشنر پشاور شفیع اللہ خان نے افسران کو ہدایت کی ہے کہ وہ روزانہ کی بنیاد پربازاروں کا دیگر مقامات کا معائنہ کریں اور دوبارہ تجاوزات قائم کرنے والوں کو جیل بجھوایا جائے۔ انتظامیہ کے مطابق گرفتار افراد کے خلاف قانونی کارروائی عمل میں لائی جائے گی
پشاور سے مزید