• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سندھ HEC کے زیراہتمام دو روزہ ریسرچ اینڈ ٹیکنالوجی نمائش اختتام پذیر

آج کا اخبار
ملک بھر سے
21 مئی ، 2022
کراچی (اسٹاف رپورٹر) کراچی میں سندھ ہائر ایجوکیشن کمیشن کے زیر اہتمام این ای ڈی یونیورسٹی کے اشتراک سے دو روزہ ’’ریسرچ اینڈ ٹیکنالوجی شوکیس2022‘‘ نمائش اختتام پذیر ہوگئی۔ اس ایونٹ کا مقصد سندھ کی سرکاری و نجی جامعات کے طلبہ اور اساتذہ کی جانب سے مقامی سطح پر تیار کی گئی مصنوعات کو ملکی انڈسٹری کے آگے پیش کرنا ہے تاکہ ان مصنوعات کو مقامی سطح پر تیار کرنے کے لئے راہیں تلاش کی جا سکیں اور ڈالر میں درآمدی بل کو کم کیا جا سکے۔ اس کانفرنس میں سندھ کی سرکاری و نجی جامعات کے طلبہ اور اساتذہ نے بڑے پیمانے پر شرکت کی، 95؍ سے زائد اسٹالز پر 350؍ مقامی سطح پر تیار کردہ اشیاء، گیجیٹس، مصنوعات اور دیگر اشیاء عوام اور مقامی انڈسٹری کے سامنے پیش کی گئیں۔ کانفرنس کی خاص بات یہ ہے کہ یہ اپنی نوعیت کی پہلی کانفرنس ہے جس میں تعلیمی اداروں اور انڈسٹریز کو ایک پلیٹ فارم پر لانے کیلئے اہتمام کیا گیا تھا۔ کانفرنس کی اختتامی تقریب کے چیف گیسٹ یونیورسٹیز اینڈ بورڈز ڈپارٹمنٹ کے وزیر اسماعیل راہو نے اپنے خطاب میں سندھ ایچ ای سی کے چیئرمین ڈاکٹر طارق رفیع، سیکریٹری سندھ ایچ ای سی معین الدین صدیقی اور دیگر کا شکریہ ادا کیا اور کہا کہ یہ بہت ہی اہم ایونٹ تھا جس میں تمام اسٹیک ہولڈرز نے بہت محنت کی، تجسس بھی تھا کہ اسٹوڈنٹس کیا کچھ لیکر آئے ہیں دکھانے کیلئے، لیکن یہاں آنے کے بعد بہت ہی خوشی ہوئی کہ طلبہ اس قدر ذہانت کا مظاہرہ کر سکتے ہیں۔ تقریب سے خطاب کرتے ہوئے یونیورسٹیز اینڈ بورڈز ڈپارٹمنٹ کے سیکریٹری مرید راہموں نے کہا کہ یہ اپنی نوعیت کا ایک بہترین ایونٹ تھا۔
ملک بھر سے سے مزید