فرمان الہی
نماز کے اوقات
کراچی (نیوز ڈیسک) وزیراعلیٰ سندھ سید مراد علی شاہ کی ہدایات پر صوبائی سیکریٹری توانائی شہاب قمر انصاری نے کمشنر میرپورخاص فیصل عقیلی اور سینئر توانائی محکمہ کے افسران کے ہمراہ عمرکوٹ کے نزدیک چوڑ میں ایک جامع موقع پر معائنہ کیا۔ ٹیم نے تھر کوئلے کی کانوں کو بن قاسم سے ملانے والی 105 کلومیٹر طویل ریلوے لائن پر پیش رفت کا جائزہ لیا، جو پاکستان کی توانائی کی حفاظت کو مؤثر کوئلے کی نقل و حمل کے ذریعے مضبوط بنانے کیلئے ایک اہم بنیادی ڈھانچے کا منصوبہ ہے۔ اس منصوبے میں بن قاسم سے پورٹ قاسم تک 9 کلومیٹر کے ٹریک کی توسیع اور پورٹ پر کوئلے کیلئے مخصوص ان لوڈنگ سہولت بھی شامل ہے۔ وزیراعلیٰ سید مراد علی شاہ نے زور دیا کہ یہ ریلوے لائن تھر کوئلے کی کانوں کو قومی ریلوے نیٹ ورک اور پورٹ قاسم کے ساتھ مربوط کرے گی جس سے کوئلے کی بلا رکاوٹ نقل و حمل ممکن ہوگی۔
