فرمان الہی
نماز کے اوقات
کراچی،لاہور (نیوز ڈیسک،خبرایجنسی) ڈاکٹر یاسمین راشد کی نواز شریف کو پاکستان میں علاج کی پیشکش، عمران خان کے مارچ کےدوران پیش آنیوالے واقعے پر انہوں نے کہاکہ 16سال کی عمر سے احتجاج کر رہی ہوں لیکن زندگی میں کبھی اس طرح کا تشدد نہیں دیکھا۔
گزشتہ روز تحریک انصاف کی رہنما ڈاکٹر یاسمین راشد نے نواز شریف کو پاکستان واپس آکر علاج کرانے کی پیشکش کردی،ڈاکٹر یاسمین راشد نے کہا ہمارے ملک کے ڈاکٹر بہت قابل ہیں اب تو واپس آجائیں۔
بعد ازاں ڈاکٹر یاسمین راشد نے نیوز کانفرنس کرتے ہوئے کہا کہ خاتون کو اگر آپ نے گرفتار بھی کرنا ہے تو آئین کے مطابق ایک لیڈی پولیس کا ہونا ضروری ہے ہم سب خواتین وہاں تھیں اور اگر آپ فوٹیج دیکھیں تو وہاں کوئی لیڈی پولیس نہیں تھی پرامن احتجاج تھا میں گاڑی ڈرائیو کر رہی تھی پہلے تین مسٹنڈوں نے مجھے گاڑی سے کھینچنے کی کوشش کی اس کی فوٹیج بھی سب نے دیکھی۔
میں 10بجے سے وہاں کھڑی تھی اور 12 ساڑے 12بج چکے تھے اتنی زیادہ اسٹیرگیس پھینکی گئی اور ہمارے کارکنوں پر اتنا زیادہ تشدد کیا میں نے چاہا کہ میں کسی سے بات کروں لیکن انہوں نے اس طرح ڈنڈے برسائے کہ اگر وہاں سے نہ نکلتی تو شاید مجھے بھی مار دیتے ۔
یاسمین راشد کا مزید کہنا تھا کہ سولہ سال کی عمر سے احتجاج کر رہی ہیں لیکن زندگی میں کبھی اس طرح کا تشدد نہیں دیکھا۔
