• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پرویز مشرف کی خرابی صحت، حکومت کا وطن واپسی پر رکاوٹ نہ ڈالنے کا عندیہ

آج کا اخبار
ملک بھر سے
12 جون ، 2022
اسلام آباد (این این آئی)وزیر دفاع خواجہ آصف نے سابق صدر جنرل ریٹائرڈ پرویز مشرف کی موت کی خبروں اور پھر اہلِ خانہ کی وضاحت کے بعد کہا ہے کہ سابق صدر کی خراب صحت کے پیش نظر انکو وطن واپس آنے میں کوئی رکاوٹ نہیں ہونی چاہیے۔سماجی رابطے کی سائٹ ٹوئٹر پر جاری اپنے بیان میں خواجہ آصف نے کہا کہ ماضی کے واقعات کو اس سلسلے میں مانع نہیں ہونے دینا چاہیے۔خواجہ آصف نے کہا کہ اللّہ انکو صحت دے اور وہ عمر کے اس حصے میں وقار کیساتھ اپنا وقت گزار سکیں۔خیال رہے کہ گزشتہ روز سابق صدر کے اہل خانہ نے کہا تھا کہ پرویز مشرف وینٹی لیٹر پر نہیں ہیں تاہم وہ مشکل ترین مرحلے سے گزر رہے ہیں، اہل خانہ نے ان کیلئے دعائوں کی اپیل بھی کی ہے۔سابق صدر پرویز مشرف کو 3 ہفتے قبل طبیعت خراب ہونے پر اسپتال منتقل کیا گیا تھا۔پرویز مشرف کے اہل خانہ نے ان کی صحت یابی کیلئے دعا کی اپیل کی ہے۔
ملک بھر سے سے مزید