فرمان الہی
نماز کے اوقات
لاہور (نیوزرپورٹر)چودھری پرویزالٰہی نے کہاہے کہ بجٹ اجلاس کی تیاری کرنے والے اسمبلی سٹاف کو گرفتار کیا جا رہا ہے، جب اسمبلی سٹاف کو گرفتار کر لیا جائے گا تو بجٹ اجلاس کیسے ہوگا۔جعلی حکمران معزز ارکان اسمبلی کے خلاف دہشت گردی کے پرچے کٹوا کر پارلیمانی روایات کو پامال کر رہے ہیں۔انہوں نے تحریک انصاف کے رہنمائوں اور کارکنوں کے خلاف دہشت گردی کے پرچے درج کروانے اور ہراساں کیے جانے پر مذمت کرتے ہوئے کہا کہ پنجاب پولیس ارکان پنجاب اسمبلی اور سٹاف کو بے جا ہراساں کر رہی ہے۔ سپیکر پنجاب اسمبلی چودھری پرویزالٰہی اور سابق وفاقی وزیر مونس الٰہی سے سابق وزیراعلیٰ پنجاب سردار عثمان بزدار، سابق وزراء محمد بشارت راجہ، میاں محمود الرشید، چودھری ظہیرالدین، فاروق اعوان، حسنین بہادر دریشک، علی عباس شاہ اور سبطین خان نے یہاں ان کی رہائش گاہ پر ملاقات کی۔ وفد نے چودھری پرویزالٰہی کو حکومت کی جانب سے اپنے خلاف ہونے والی کارروائیوں سے آگاہ کیا۔
