• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کرکٹ میچز کی سکیورٹی کیلئے ٹریفک سٹاف کے مسائل حل کے احکامات

میرا شہر
ملتان
12 جون ، 2022
ملتان (سٹاف رپورٹر)چیف ٹریفک آفیسر ملتان جلیل عمران خان غلزئی نے ملتان میں انٹر نیشنل کرکٹ میچز کی سکیورٹی کے لئے دیگراضلاع سے آنیوالے ٹریفک سٹاف کے لئے پولیس لائن، ملتان میں بریفنگ سیشن کا انعقاد کیا گیا، چیف ٹریفک آفیسر ملتان نے دوسرے اضلاع سے آنے والے ٹریفک سٹاف کے ڈیوٹی و رہائش میں درپیش مسائل سنے اور انہیں فوری طور پر حل کرنے کے لئے احکامات جاری کئے،انہوں نےٹریفک سٹاف سے خطاب کرتے ہوئے کہا کہ ون ڈے سیریز کے پہلے دونوں میچز میں ٹریفک سٹاف نے گرمی کی شدت زیادہ ہونے کے باوجوداحسن طریقے سے ڈیوٹی سر انجام دی ہے اور میں توقع کرتا ہوں کہ سیریز کے آخری میچ میں بھی آپ اسی محنت اور لگن سے ڈیوٹی سر انجام دیں گے،ڈائیورشن پوائنٹ پر تعینات ٹریفک سٹاف شہریوں کو متبادل راستوں بارے بریف کریں اور شہریوں سے خوش اخلاقی سے پیش آئیں، اس موقع پر چیف ٹریفک آفیسر ملتان نے شہریوں سے درخواست کی ہے کہ ایونٹ کے کامیاب انعقاد کے لئے ٹریفک سٹاف کے ساتھ تعاون کریں۔
ملتان سے مزید