• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وزیراعلیٰ پرویز الٰہی کا جنوبی پنجاب میں سیلاب سے متاثرہ گھروں کی امداد کا اعلان

میرا شہر
لاہور
02 اگست ، 2022
لاہور( این این آئی )وزیراعلیٰ پنجاب چوہدری پرویز الٰہی نے جنوبی پنجاب میںسیلاب سے گھروں کو پہنچنے والے نقصانات کے ازالے کیلئے مالی امداد کا اعلان کرتے ہوئے کہا کہ مکمل تباہ ہونے والے گھروں کے مالکان کو 6لاکھ روپے فی کس مالی امداد دی جائیگی جبکہ جزوی طورپرتباہ ہونے والے گھروں کے مالکان کو 4لاکھ روپے فی کس مالی امداد دینگے۔سیلاب متاثرہ افراد کے لائیواسٹاک کو پہنچنے والے نقصانات کا بھی ازالہ کیا جائیگا۔وزیراعلیٰ پنجاب چوہدری پرویز الٰہی کی زیر صدارت آج وزیراعلیٰ آفس میں اعلی سطح کا اجلاس منعقد ہوا۔ اجلاس میں جنوبی پنجاب کے شہروں راجن پور،ڈیرہ غازی خان خصوصاً تونسہ،مظفر گڑھ میں سیلاب سے پیدا ہونے والی صورتحال اور امدادی سرگرمیوںکا جائزہ لیا گیا۔وزیراعلیٰ چوہدی پرویز الٰہی نے نقصانات کا تخمینہ لگانے کیلئے سروے کو جلد از جلد مکمل کرنے کی ہدایت کرتے ہوئے کہا کہ ڈپٹی کمشنرز اپنی نگرانی میں سروے کومکمل کرائیں۔ وزیراعلیٰ نے ہدایت کی کہ متاثرہ علاقوں میں امدادی سرگرمیوں کو مزید تیز کیا جائے اورمتاثرہ افراد کو خشک خوراک تسلسل کے ساتھ پہنچائی جائے ۔دریاؤں میں پانی کے بہاؤ کو مسلسل مانیٹر کیا جائے اوردریاؤں کے پشتے مزید مضبوط بنانے کیلئے فی الفور اقدامات اٹھائے جائیں۔
لاہور سے مزید