• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

انتظامیہ پشاور کی کاکشال میں کھلی کچہری،عوام کی کثیر تعداد شرکت

میرا شہر
پشاور
27 اگست ، 2022
پشاور (جنگ نیوز) ضلعی انتظامیہ پشاور کی کاکشال میں کھلی کچہری میں عوام کی کثیر تعداد میں شرکت کی۔اپنے مسائل کے بارے میں آگاہ کیا۔ڈپٹی کمشنر پشاور شفیع اللہ خان کھلی کچہری میں ڈپٹی کمشنر پشاور شفیع اللہ خان کی ہدایت پر ایڈیشنل ڈپٹی کمشنر (ریلیف) محمد عمران خان،ایڈیشنل اسسٹنٹ کمشنر سلیم ایوبی سمیت ذیلی محکموں کے افسران، ریونیو سٹاف،عوامی نمائندگان، عوام اور علاقہ مشران نے کثیر تعداد میں شرکت کی۔ گورنمنٹ شہید سیدعبداللہ شاہ ہائیر سیکنڈری سکول نمبر4 کاکشال میں کھلی کچہری کا انعقاد کیا گیا تھا۔عوام کی سہولت اور معلومات کے لیے کھلی کچہری سے پہلے علاقے میں اعلانات کر وائے گئے تھے۔ اس موقع پر لوگوں نے افسران کو اپنے مسائل کے بارے میں بتایا۔کھلی کچہری میں زیادہ تر شکایات واپڈا کے بارے میں تھیں۔عوام نے زائد بلوں کے بارے میں شکایات کیں اور کہا کہ علاقے میں بجلی کی لوڈ شیڈنگ بھی بہت زیادہ ہے۔ اس لیے بلوں میں زائد رقم کو ختم کیا جائے اور لوڈ شیڈنگ کا دورانیہ کم کیا جائے اور علاقے میں سوئی گیس کا پریشر بہت کم ہے اس لیے سوئی گیس کا پریشر بڑھایا جائے اور عملہ صفائی کو صفائی کی حالت مزید بہتر بنانے کی ہدایت کی جائے اور علاقے میں تجاوزات کے خلاف کارروائی عمل میں لائی جائے کیونکہ تجاوزات کی وجہ سے پیدل چلنے والوں کو دشواری کا سامنا ہے اور اکثر ٹریفک جام رہتی ہے۔ اس موقع پر دیگر افراد نے بھی اپنے اپنے مسائل کے بارے میں ایڈیشنل ڈپٹی کمشنر (ریلیف) سے کھل کر بات کی جبکہ اکثر نے ان کو تحریری درخواستیں بھی دیں جس پر انھوں نے موقع پر ہدایات جاری کیں۔ ایڈیشنل ڈپٹی کمشنر (ریلیف) نے کہا کہ کھلی کچہری کا مقصد حکومت و انتظامیہ اور عوام کے درمیان فاصلے کو ختم کر نا ہے اور عوامی مسائل کو ان کی دہلیز پر حل کر نا ہے۔ ایڈیشنل ڈپٹی کمشنر (ریلیف) نے تمام افسران کو شکایات کے حل کی ہدایات جاری کیں اور عوام سے اپیل کی کہ ان کی درخواست اور شکایات پر کاروائی کے بارے میں بعد میں ان کو ضرور آگاہ کریں۔ اس موقع پر لوگوں نے ضلعی انتظامیہ پشاور کا کھلی کچہری کے انعقا د پر شکریہ ادا کیا۔
پشاور سے مزید