راولپنڈی(سٹاف رپورٹر)راولپنڈی پولیس نے 5ملزموں کو گرفتار کرکے 3کلو سے زیادہ چرس برآمد کرلی۔ پولیس نے مختلف واقعات میں 3 ملزموں سے تین پستول برآمد کرلئے ۔ پیشہ ور بھکاریوں کے خلاف کارروائی کرتے ہوئے39 بھکاریوں کو شہر کے مختلف تھانوں میں بند کروادیا گیا۔گنج منڈی پولیس نے آتش بازی کا سامان فروخت کرنے والے 4ملزموں سے 200انار، 130 ہوائیاں، 11ڈبی ماچس پٹاخہ اور دیگر سامان برآمد کرلیا۔ سول لائنز پولیس چیک ڈس آنر کے مقدمہ میں مطلوب 2اشتہاری مجرموں کو گرفتار کرلیا ۔تھانہ نیوٹاؤن پولیس نے نیشنل ٹی ٹونٹی کرکٹ کپ میچوں پر آن لائن جواء کروانے والے بکی حذیفہ کو گرفتارکرلیا، پولیس کے مطابق ملزم اپنے موبائل پر مختلف اپلیکیشنز کے ذریعے مخصو ص کاہگوں کے ساتھ کرکٹ میچوں پر آن لائن جواء کروا رہا تھا۔
فرمان الہی
نماز کے اوقات
