فرمان الہی
نماز کے اوقات
نیویارک (عظیم ایم میاں) وزیرخارجہ بلاول زرداری بھٹو دبئی سے نیویارک آنے والی فلائٹ مس ہونے کے باعث واشنگٹن کی فلائٹ لے کر امریکا پہنچ گئے ہیں اور اب وہ کار کے ذریعے واشنگٹن سے نیویارک پہنچ رہے ہیں۔
گوکہ بلاول بھٹو کے سفر میں اس اچانک تبدیلی اور فلائٹ مس ہونے کی وجوہات کا علم نہیں ہوسکا لیکن وزیرخارجہ کے غیر متوقع طور پر واشنگٹن پہنچنے کے باعث پاکستانی سفارتخانہ واشنگٹن کے اس عملہ کی دوڑیں لگ گئیں جو وزیراعظم اور وزیرخارجہ کی اقوام متحدہ میں شرکت کے لئے نیویارک آمد کے سلسلے میں پہلے ہی واشنگٹن سے عارضی طور پر نیویارک منتقل ہوچکا تھا۔
نوجوان وزیرخارجہ واشنگٹن سے تقریباً پانچ گھنٹے کا مزید زمینی سفر کرکے نیویارک پہنچنے کےبعد اقوام متحدہ کی سائڈ لائنز پر دنیا کے نوجوان وزرائے خارجہ کی ایک کانفرنس میں شرکت اور خطاب کریں گے۔
