صدر میں تیزاب گردی کے واقعے میں سابق چیف جسٹس کا ڈرائیور اور 3 افراد جھلس کر زخمی

کراچی(اسٹاف رپورٹر)سابق چیف جسٹس آف پاکستان جسٹس گلزار احمد کا ڈرائیور صدر میں تیزاب گردی کے واقع میں جھلس کر شدید زخمی ہوگیا جبکہ 2 بچوں سمیت 3 افراد معمولی زخمی ہوئے ہیں، پریڈی پولیس کے مطابق 40 سالہ خرم احمد صدر میں ایم اے جناح روڈ سے ایمپریس مارکیٹ کی طرف آ رہا تھا کہ رینبو سینٹر کے قریب اچانک اس پر کسی نے تیزاب پھینک دیا،خرم احمد آصف کالونی منگھو پیر روڈ کا رہائشی ، سندھ سیکریٹریٹ کے پروٹوکول ڈیپارٹمنٹ میں گزشتہ 14 سال سے ملازم اور سابق چیف جسٹس گلزار احمد کے ڈیفنس میں واقع بنگلے پر بحیثیت ڈرائیور ملازمت کرتا ہے۔