مچھر اپنے پسندیدہ شخص کے وفادار رہتے ہیں، تحقیق

20 اکتوبر ، 2022

حال ہی میں مچھروں کے ستائے افراد کے لیے ایک افسوس کی بات سامنے آئی ہے کہ مچھروں کے پسندیدہ افراد ہمیشہ ہی مچھروں کے پسندیدہ رہتے ہیں کیونکہ انسان کچھ بھی کرلے اپنے آپ کو مچھروں کی اس لسٹ سے نہیں نکال سکتا۔

ایک غیر ملکی تحقیق میں یہ بات سامنے آئی ہے کہ مچھر اپنے پسندیدہ شخص کے وفادار رہتے ہیں۔

غیرملکی میڈیا کے مطابق امریکی یونیورسٹی میں ہونے والی ایک تحقیق میں یہ بات سامنے آئی ہے کہ جن لوگوں کی جِلد پر کاربو آکسیلک ایسڈ کی مقدار زیادہ ہوتی ہے، ایسے لوگوں پر عام لوگوں کے مقابلے میں مچھر 100 گنا زیادہ حملہ کرتے ہیں۔

محققین کے مطابق ایسے افراد کو کاٹنے والے مچھر ڈینگی، چکن گونیا، زرد بخار اور زیکا پھیلانے کے باعث بنتے ہیں۔