• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

3روزہ سالانہ اصلاحی، روحانی، تبلیغی، اسلامی اجتماع و عرس کی تقریبات پشاور میں شروع

میرا شہر
پشاور
03 نومبر ، 2022
پشاور(جنگ نیوز)بزم خیریہ انٹرنیشنل پاکستان کے زیراہتمام 3روزہ سالانہ 59واں اصلاحی، روحانی، تبلیغی و اسلامی اجتماع و عرس کی تقریبات بمقام دربار عالیہ مرشدآباد شریف کوہاٹ روڈ بالمقابل آڈٹ کالونی پشاور شہر میں 04،05ا ور 06نومبر بروز جمعۃ المبارک ، ہفتہ او راتوارکو منعقدہو رہی ہے۔ جس میں ملک کے سیاسی و سماجی شخصیات کے علاوہ ملک کے مشہورو معروف نعت خواں و ثنا خواں حضور پاکؐ کی بارگاہ میںنذرانہ عقیدت پیش کریں گے۔ تقریب فیضان نظر خواجہ ابوالخیر پیر محمد عبداللہ جان اور زیرسرپرستی خواجہ پیر محمد بدر عالم جان ہوگی۔ عرس مبارک کی تقریبات 4نومبر جمعۃ المبارک بعد از نماز مغرب محفل حسن قرات و نعت خوانی سے شروع ہوگی۔ 5نومبربروز ہفتہ بعد از نماز عشاء بڑی مرکزی محفل پاک ہوگی اور 6نومبر بروز اتوارصبح 9بجےسےدن ایک بجےموئے مبارک کے زیر سایہ پیرخواجہ ابوالجمال اختتامی خصوصی دعا کریں گے ۔ یہ پروگرام صوت الخیر انٹرنیٹ پر براہ راست اندرون ملک و بیرون ممالک میں دکھایا جائے گا۔ عرس مبارک میں شرکت کیلئے 5 نومبر بروز ہفتہ دن 12بجے دن آستانہ خیریہ G-7\2ستارہ مارکیٹ اسلام آباد، ٹی بی ہسپتال اصغر مال روڈ نذد سٹی میرج ہال اور جہازگراؤنڈ شکریال نزد چونگی نمبر 8سے بسیں پشاور کیلئے روانہ ہونگی۔اس کے علاوہ ملک کے دیگر شہروں سے بھی اپنے مقررہ وقت پر بسیں روانہ ہوگی۔
پشاور سے مزید