لاہور ( جنرل رپورٹر ) صوبائی وزیر پرائمری اینڈ سیکنڈری ہیلتھ پنجاب ڈاکٹر اختر ملک نے گزشتہ روز دورہ گوجرانوالہ ڈی ایچ کیو ہسپتال کا دورہ کیا ۔انہوں نے ہسپتال میں وزیر آباد میں فائرنگ کے واقعے میں زخمی ہونے والے پی ٹی آئی کے کارکنوں کی عیادت کی ۔ صوبائی وزیر نے مریضوں کی خیریت دریافت کی اور انکی جلد صحتیابی کے لیے نیک خواہشات کا اظہار کیا۔انہوں نے کہا کہ چئیر مین پی ٹی آئی عمران خان اوروزیر اعلیٰ پنجاب چوہدری پرویز الٰہی بھی آپ کی جلد صحتیابی کیلئے دعا گو ہیں۔انہوں نے زخمیوں کو بہترین علاج معالجہ کی ہدایات جاری کیں ۔انہوں نے کہا کہ زخمی پی ٹی آئی کارکنوں کے حوصلے بلند ہیں۔آواز خلق کو نقارہ خدا سمجھیں اس وقت پوری قوم عمران خان کے ساتھ ہے۔ ایم ایس ڈی ایچ کیو ڈاکٹر سہیل انجم نے بتایا کہ مریضوں کو بہترین طبی سہولیات اور انکے لواحقین کو کھانا بھی فراہم کیا جا رہا ہے۔ تمام زخمیوں کی حالت تسلی بخش ہے ۔
فرمان الہی
نماز کے اوقات
