قائمہ کمیٹی ، دوا کے نسخے پر ڈاکٹرز کا لائسنس نمبر لازمی درج کرنیکی سفارش

اسلام آباد(بلال عباسی) سینیٹ کی قائمہ کمیٹی برائے صحت کے چیئرمین ہمایوں مہمند نے دوا کے نسخے پر ڈاکٹرز کا لائسنس نمبر لازمی درج کرنے کی سفارش کرتے ہوئے کہا ہے کہ اس اقدام سے شعبہ صحت میں کچھ بہتری آسکتی ہے،فارماسوٹیکل کمپنیز ڈاکٹرز کو سپورٹ کرتی ہیں،فارمیسی والا ڈاکٹر کے نسخے کا نہیں پوچھتا۔ جمعرات کو سینیٹ کی قائمہ کمیٹی برائے صحت کا اجلاس چیئرمین ہمایوں مہمند کی زیر صدارت ہوا جس میں پاکستان فارمیسی ترمیم بل پر گفتگو کی گئی۔ جماعت اسلامی کے سینیٹر مشتاق احمد نے کہا کہ میری فارمیسی کونسل کے ساتھ میٹنگ ہوئی ہے، ڈاکٹرز اور فارماسسٹ کے درمیان اس بل کی وجہ سے تنازع پیدا ہورہا ہے۔