• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ملتان ڈسٹرکٹ میں کرسمس کے موقع پر سیکیورٹی کے فول پروف انتظامات

میرا شہر
ملتان
26 دسمبر ، 2022
ملتان (سٹاف رپورٹر))سی پی او ملتان شاکر حسین داوڑ کی ہدایت پر ملتان ڈسٹرکٹ میں کرسمس کے موقع پر سیکیورٹی کے فول پروف انتظامات کیے گئے ہیں۔سی پی او ملتان شاکر حسین داوڑ نے اس موقع پر شہر کے مختلف گرجا گھروں کا وزٹ کیا، تمام تر سیکیورٹی انتظامات کا جائزہ لیا، ڈیوٹی چیک کی اور جوانوں کو بریف کیا۔ سی پی او ملتان چرچ انتظامیہ سے بھی ملے جنہوں نے سیکیورٹی انتظامات پر اطمینان کا اظہار کیا اور سی پی او ملتان کا شکریہ ادا کیا۔ اس کے علاؤہ متعلقہ ایس پیز، ایس ڈی پی اوز اور ایس ایچ اوز نے بھی سیکیورٹی پلان کے مطابق پولیس افسران کو چیک کیا اور ڈیوٹی سے متعلق بریف کیا، اس موقع پرسول پارچات میں سکیورٹی اہلکاروں کے ساتھ معاون اداروں نے بھی اردگرد کے ماحول اور غیر متعلقہ افراد کی سرگرمیوں پر نظر رکھی،اس موقع پر سی پی او ملتان شاکر حسین داوڑ نے ہدایات جاری کرتے ہوئے کہا کہ گرجا گھروں کی ڈیوٹی پر مامور پولیس افسران و جوان الرٹ ہو کر ڈیوٹی سر انجام دیں، ایسے مقامات کی سیکیورٹی اور امن و امان کی صورتحال کو برقرار رکھنا نہایت ضروری ہے، مسیحی کمیونٹی سمیت تمام شہریوں کی حفاظت ہمارے اولین فرائض میں شامل ہے۔
ملتان سے مزید