• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عمران خان میری بات کا مائنڈ نہیں کرتے کیونکہ بعد میں وہ درست نکل آتی ہے، پرویز الٰہی

آج کا اخبار
اہم خبریں
07 جنوری ، 2023
گجرات(نمائندہ جنگ، آئی این پی) وزیر اعلی پنجاب چوہدری پرویز الٰہی نے کہا ہے کہ عمران خان سچا، کھرا آدمی ہے لیکن جہاں غلط بات ہو میں انکے سامنے اس کا اظہار کر دیتا ہوں، عمران خان میری بات مائنڈ نہیں کرتے کیونکہ بعد میں وہ درست نکل آتی ہے،وفاقی حکومت مہنگائی کا طوفان لے کر آئی جو تھمنے کا نام نہیں لے رہا، شہباز شریف حکومت میں آکر بری طرح ایکسپوز ہوگئے یہ یہاں سے ڈالر باہر لے جاتے ہیں اور واپس اسحق ڈالر لاتے ہیں، ن لیگ نے میرے خلاف پروپیگنڈا شروع کیا کہ پیسے کہاں سے آئینگے؟یونیورسٹی آف گجرات کے کانووکیشن سے خطاب کرتے ہوئے پرویز الٰہی نے کہا کہ عمران خان نہ ڈرنے نہ جھکنے نہ بکنے والے لیڈر ہیں، شہباز شریف نے زندگی میں جتنے جھوٹ بولے آپکی سوچ ہے، وزیر اعلی پنجاب نے کہا کہ جو عمران خان نے فیصلے کیے تھے اس میں کوئی کمی نہیں تھی، بی اے تک تعلیم مفت کا اعلان کر رکھا ہے، ہمارا مقصد عام اور غریب آدمی کو ہر سہولت فراہم کرنا ہے، عمران خان نے سب سے زیادہ بہتر کام ہیلتھ سیکٹر میں کیا ہیلتھ کارڈ، احساس کارڈ ثبوت ہیں۔پرویز الٰہی نے کہا کہ گجرات اب ضلع نہیں رہا ڈویژن بنا دیا ہے، گجرات کو ایسا کردینگے کہ کسی کو باہر جانے کی ضرورت نہیں پڑیگی، عزیز بھٹی اسپتال میں علاج کیلئے مہنگی مشینیں لگا رہے ہیں، لاہور کی طرح گجرات میں بھی ون ونڈو آپریشن ہوگا، منڈی بہا الدین، حافظ آباد کو بھی ترقی دے رہے ہیں۔پرویز الٰہی نے یونیورسٹی کی تعمیر و ترقی کیلئے61 کروڑ دینے کا اعلان کیا، جبکہ یونیورسٹی کے 158 طلبا و طالبات میں گولڈ میڈل، 2ہزار طلبہ میں اسناد بھی تقسیم کی گئیں۔
اہم خبریں سے مزید