• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سی ایس ایس کے تحریری امتحانات میں لاہور بازی لے گیا

آج کا اخبار
اہم خبریں
09 جنوری ، 2023
اسلام آباد (قاسم عباسی) 2021کے سول سپیریئر سروس کے تحریری امتحانات میں لاہور سب سے زیادہ اہل امیدواروں کے ساتھ سرفہرست ہے، اس کے بعد اسلام آباد، کراچی اور راولپنڈی ہیں۔ دی نیوز کو دستیاب فیڈرل پبلک سروس کمیشن کی 2021 کی تازہ ترین سالانہ رپورٹ اس کی عکاسی کرتی ہےکہ سی ایس ایس مسابقتی امتحان 2021 میں کُل 39650امیدواروں نے اپلائی کیا۔ کمیشن کی جانب سے 18.02.2021سے 26.02.2021تک پاکستان بھر کے 19 شہروں میں تحریری امتحان کا انعقاد کیا گیا۔ تحریری امتحان میں کل 17240(43فیصد) امیدواروں نے شرکت کی۔ سی ایس ایس مسابقتی امتحان 2021 کے تحریری حصے کے نتائج کا اعلان 30.09.2021 کو کیا گیا اور 2.11فیصد امیدوار تحریری امتحان میں کامیاب ہوئے۔ تحریری مسابقتی امتحان 2021 میں حصہ لینے والے اور کوالیفائی کرنے والے امیدواروں کی سب سے زیادہ تعداد لاہور سے تھی۔ سی ای 2021کے لیے کل 10083طلبہ نے رجسٹریشن کروائی جبکہ صرف 4509طلبہ نے شرکت کی اور 159 کوالیفائی ہوئے۔ دوسرے سب سے زیادہ طلباء جنہوں نے 2021 کے مسابقتی امتحان میں کوالیفائی کیا وہ دارالحکومت اسلام آباد سے آئے تھے۔ اسلام آباد سے کل 41 طلبہ نے تحریری امتحان میں کوالیفائی کیا جبکہ 6580 طلباء نے رجسٹریشن کروائی اور صرف 3007 نے امتحان میں شرکت کی۔ کراچی کے طلباء پورے پاکستان میں سی ای 2021 کوالیفائی کرنے میں تیسرے نمبر پر رہے۔ تحریری امتحان میں رجسٹر ہونے والے طلبہ کی کل تعداد 3942 رہی۔ تاہم صرف 1742 طلباء نے امتحان میں شرکت کی جن میں سے صرف 33 نے کوالیفائی کیا۔ راولپنڈی سے مجموعی طور پر 2564 طلباء نے سی ای 2021 کے لیے رجسٹریشن کروائی جبکہ صرف 1122 نے امتحان میں شرکت کی جس کے نتیجے میں صرف 21 نے کوالیفائی کیا۔ پشاور سے کل 19 امیدواروں نے مسابقتی امتحان 2021 میں 1548 حاضریوں اور کل 4027 رجسٹریوں کے ساتھ کوالیفائی کیا۔ حیدرآباد سے 18 امیدواروں نے 901 حاضریوں اور 2031 رجسٹریوں کے ساتھ کوالیفائی کیا۔ ملتان سے مجموعی طور پر 1563 امیدواروں نے رجسٹریشن کروائی جبکہ امتحان میں صرف 673 نے شرکت کی جبکہ ملتان سے 17 امیدواروں نے امتحان میں کوالیفائی کیا۔ فیصل آباد اور گوجرانوالہ میں دونوں شہروں سے 12 امیدواروں نے مسابقتی امتحان 2021 میں کامیابی حاصل کی۔ بہاولپور سے کل 10 امیدواروں نے 2021 کے سی ایس ایس تحریری امتحان میں کوالیفائی کیا جس میں کل 694 رجسٹریاں اور 277 امیدوار حاضر ہوئے۔ امتحان میں شریک ہونے والے 396 میں سے آٹھ امیدوار سرگودھا سے کوالیفائی ہوئے۔ اس کے علاوہ سکھر سے صرف چار امیدواروں نے امتحان پاس کیا جبکہ شہر سے کل 312 امیدواروں نے امتحان میں حصہ لیا۔ ڈی جی خان سے تین امیدواروں نے کوالیفائی کیا جن میں کل 133 امیدوار تھے۔ ڈی آئی خان، ایبٹ آباد اور کوئٹہ سے، دو امیدواروں نے ان شہروں میں سے ہر ایک سے امتحان میں کوالیفائی کیا جس میں بالترتیب 142، 461 اور 468 امیدوار شامل ہوئے۔ گلگت اور لاڑکانہ میں، ان شہروں میں سے ہر ایک سے صرف ایک امیدوار نے اس امتحان میں کوالیفائی کیا جبکہ ان دونوں شہروں سے آنے والے امیدواروں کی تعداد بالترتیب 61 اور 157 رہی۔ مظفرآباد سے کوئی بھی امیدوار کوالیفائی نہیں ہوا جہاں کل 77 امیدواروں نے امتحان میں شرکت کی۔
اہم خبریں سے مزید