بھارت: ہائی وے پر گاڑی روک کر ریل بنانا خاتون کو مہنگا پڑ گیا

23 جنوری ، 2023

بھارت میں سوشل میڈیا انفلوئنسر کی جانب سے ہائی وے پر گاڑی روک کر ریل بنانا مہنگا پڑ گیا، پولیس نے 17 ہزار کا جرمانہ عائد کردیا۔

سوشل میڈیا کے اس دور میں کم دورانیے کی ویڈیوز جسے شارٹ ویڈیوز کہا جاتا ہے، بنانا عام بات ہے۔

اس سلسلے میں کئی صارفین اپنے فالوورز بڑھانے کے لیے روزمرہ کی بنیاد پر ریلز بناتے ہیں، تاہم ان کی جانب سے ویڈیوز بنانے کا عمل دوسروں کو پریشانی میں بھی متبلا کردیتا ہے۔

ایسا ہی کچھ ریاست اترپردیش کے غازی آباد میں ہوا جب ایک خاتون انسٹاگرام انفلوئنسر نے ریل بنانے کے لیے ہائی وے پر ہی اپنی گاڑی روک دی۔

ویڈیو وائرل ہونے کے ساتھ ہی کئی لوگوں نے نہ صرف ان کو تنقید کا نشانہ بنایا بلکہ غازی آباد پولیس بھی حرکت میں آئی اور ٹریفک قوانین کی خلاف ورزی کرنے پر 17 ہزار کا جرمانہ عائد کردیا۔

خاتون کی شناخت ویشالی چوہدری کے نام سے ہوئی ہے جو انسٹاگرام پر ساڑھے 6 لاکھ سے زائد فالوورز رکھتی ہیں۔

دلچسپ و عجیب سے مزید