فرمان الہی
نماز کے اوقات
اسلام آباد ( نمائندہ جنگ )الیکشن کمیشن نے کہا ہے کہ اگر عمران خان ، اسد عمر اور فواد چوہدری توہین الیکشن کمیشن کیس میں پیش نہیں ہوتے تو ان کو مفرور قرار دیکر غیر حاضری میں کارروائی شروع کرینگے ،توہین الیکشن کمیشن اور چیف الیکشن کمشنر کیسز میں عمران خان، اسد عمر اور فواد چوہدری کیخلاف کیسز کی سماعت ممبر نثار درانی کی سربراہی میں چار رکنی بنچ نے کی۔ پی ٹی آئی وکیل نوید انجم پیش ہوئے اور کہا کہ فرخ حبیب کے الیکشن کمیشن کیخلاف کیس کی سماعت ہائی کورٹ میں ہے۔ وکیل انور منصور اس کیس کی سماعت کیلئےہائیکورٹ میں مصروف ہیں۔ فواد چوہدری کراچی ، اسد عمر بھی شہر سے باہر ہیں، عمران خان زخمی ہیں۔ انکی حاضری سے استثنیٰ کی درخواست دے رہے ہیں ۔
