• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ایئر یونیورسٹی جلد انجینئرنگ و دیگر پروگرامز شروع کرنے جارہی ہے، ڈائریکٹر ملتان کیمپس

میرا شہر
ملتان
23 فروری ، 2023
ملتان (سٹاف رپورٹر) ایئر یونیورسٹی ملتان کیمپس کوچک 5فیض میں منتقل ہوئے ایک سال مکمل ہوگیا ،اس موقع پرایک تقریب سے خطاب کرتے ہوئے ڈائریکٹر کیمپس ڈاکٹر غلام علی نے کہاکہ ایئر یونیورسٹی جنوبی پنجاب میں معیار تعلیم کی بہتری کیلئے کردار ادا کر رہی ہے ۔کیمپس میں سٹاف اورفیکلٹی وسٹاف کیلئے غیر نصابی سرگرمیوں کا خصوصی انعقاد کیاجاتا ہے ۔فیکلٹی و سٹاف کی جسمانی اورذہنی صحت کے پیش نظر کھیلوں اورتقریبات کا انعقاد کیاجاتا ہے ۔ایئر یونیورسٹی ملتان کیمپس کو اپنی بلڈنگ میں منتقل ہوئے ایک سال مکمل ہوگیا ہے ۔ جنوبی پنجاب میں ایئر یونیورسٹی جلد انجینئر نگ و دیگر پروگرامز شروع کرنے جارہی ہے جس سے جنوبی پنجاب کے طلبہ مستفید ہونگے ۔اس موقع پر اسسٹنٹ ڈائریکٹر ایڈمن ممتاز خان نیازی ، ایڈمن آفیسر منیر احمد ، ڈاکٹر میاں عباس ، ڈاکٹر محمد زبیر ، ڈاکٹر محمد کلیم و دیگر فیکلٹی و سٹاف ممبران موجود تھے ۔
ملتان سے مزید