راولپنڈی (نمائندہ جنگ) راولپنڈی کی سیشن عدالتوں نے شریک حیات کے قتل سمیت دو مقدمات میں گرفتار ملزمان کو جرم ثابت ہونے پر عمر قید اور مجموعی طور پر آٹھ لاکھ روپے ہرجانے کی سزائیں سنادیں۔ ایڈیشنل ڈسٹرکٹ اینڈ سیشن جج راولپنڈی محمد عرفان اکرم نے تھانہ نصیر آباد میں درج کیس کے ملزم گل محمد عرف گلو کو عمر قید دیتے ہوئے ورثا کو تین لاکھ روپے معاوضہ بھی ادا کرنے کا حکم دیا۔ سزا پانے والے ملزم پر الزام ہے کہ اس نے گزشتہ سال مارچ میں فائرنگ کرکے عامر شہزاد کو قتل کر دیا تھا۔ ادھر ایڈیشنل ڈسٹرکٹ اینڈ سیشن جج راولپنڈی راجہ فیصل رشید نے گزشتہ برس جولائی میں تھانہ کوٹلی ستیاں کے علاقہ میں گھریلو ناچاقی پر اہلیہ عائشہ کو گولیوں کا نشانہ بنانے والے ملزم محمد شیراز کو عمر قید اور پانچ لاکھ روپے معاوضہ ادا کرنے کا حکم دیا۔
فرمان الہی
نماز کے اوقات
