عمران کی کارکنوں سے ملاقات، سحری انتظامات کا جائزہ لیا

لاہور ( این این آئی)تحریک انصاف کے چیئرمین عمران خان نے رمضان المبارک کی پہلی سحری پر گھر سے باہر آکر کارکنوں کے ساتھ ملاقات کی اور سحری کے انتظامات کا جائزہ لیا۔ذرائع کے مطابق چیئرمین پی ٹی آئی نے تمام کارکنوں کیلئے سحری کا بھرپور انتظام کرنے کی ہدایت کی۔اس موقع پر عمران خان نے کارکنوں کے لیے سحری کے ساتھ ساتھ صفائی کا بھی بھرپور خیال رکھنے اور زمان پارک میں نماز، قرآن خوانی اور نماز تراویح کا بھی اہتمام کرنے کی ہدایت کی ہے۔