• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عمران حکومت نے عوام پر مہنگائی و بیروزگاری کے پہاڑ گرائے،خرم دستگیر

میرا شہر
لاہور
26 مارچ ، 2023
گوجرانوالہ(نمائندہ جنگ) وفاقی وزیر برائے توانائی انجینئر خرم دستگیر خان نے کہا ہے کہ حکومت معاشی مسائل کے باوجود عوام کو سہولیات کی فراہمی کیلئے کوشاں ہے،عمرانی حکومت نے اقتدار میں آکر عوام پر مہنگائی و بیروزگاری کے پہاڑ گرائے،مسلم لیگ ن نے ہمیشہ اقتدار میں آکر عوام خوشحال اور ملک ترقی یافتہ بنایا،معاشی صورتحال کے پیش نظر پاکستان بار بار انتخابات کا متحمل نہیں ہوسکتا۔ پاکستان میں قومی اور صوبائی اسمبلیوں کے انتخابات اکٹھے اور بروقت ہونے چاہئیں،عمران خان کی ذاتی خواہش پر پنجاب اور خیبرپختونخواہ اسمبلیاں تحلیل کی گئیں،مسلم لیگ ن کی حکومت قائد عوام میاں نوازشریف اور وزیر اعظم میاں شہباز شریف کی قیادت میں پاکستان کو ترقی و خوشحالی کی راہ پر گامزن کرنے کیلئے کوشاں ہے،تحریک انصاف حکومت کی نااہلی و نالائقی کا خمیازہ پوری قوم کو بھگتنا پڑرہا ہے،پاکستان کے غیور عوام کے سامنے عمران خان اور تحریک انصاف کا دہشتگردانہ چہرہ واضح ہوچکا ہے،آئندہ انتخابات میں تحریک انصاف کیلئے اپنے امیدوار پورے کرنا مشکل ہوجائیگا،عمران خان نے مانگے تانگے شکست خوردہ عناصر کے سہارے عوام کو تبدیلی کے جھوٹے خواب دکھائے،ان خیالات کا اظہار انہوں نے تاجر امن کمیٹی کے چیئرمین میاں اکرم، تاجر رہنما حافظ الیاس ودیگر کیساتھ ملاقات کے دوران گفتگو کرتے ہوئے کیا۔اس موقع پر سابق ایم پی ایز عمران خالد بٹ، توفیق  بٹ، سابق میئر شیخ ثروت اکرام، چیئرمین بورڈ آف ڈائریکٹرز گیپکو شعیب بٹ، ناصر  کھوکھر ودیگر بھی موجود تھے۔
لاہور سے مزید