ایڈن برگ(آئی این پی)اسکاٹ لینڈ میں ہونے والے انتخابات کے ذریعے نو منتخب وزیراعظم حمزہ یوسف نے وزیراعظم ہاؤس میں نماز کی امامت کی، انہوں نے سرکاری رہائش گاہ بوٹے ہاؤس میں اپنے پہلے دن اپنے اہل خانہ کی امامت کرتے ہوئے ایک تصویر شیئر کی ہے،یوسف نے اپنے ٹوئٹر اکاؤنٹ پر لکھا ہے کہ میں اور میرا خاندان آج (28مارچ)پارلیمانی ووٹنگ کے بعد بوٹے ہاس میں اپنی پہلی رات گزار رہے ہیں،ایک اور پوسٹ میں حمزہ یوسف نے کہا کہ انہوں نے برطانوی وزیر اعظم رشی سونک سے ملاقات کی ہے اور انہیں برطانیہ کی حکومت کو سکاٹش عوام اور پارلیمنٹ کی جمہوری خواہشات کا احترام کرنے سے آگاہ کیا ہے، واضح رہے کہ 37سالہ حمزہ یوسف جو 26ہزار 32ووٹوں کے ذریعے 52فیصد کی برتری حاصل کی ہے، فروری میں وزیر اعظم نکولا سٹرجن کے استعفی کے بعد خالی ہونے کے بعد سکاٹش نیشنل پارٹی (SNP)کی قیادت کے لئے منتخب ہوئے ہیں،انہوں نے نتائج کے اعلان کے بعد ایک بیان میں کہا کہ وہ سکاٹ لینڈ کو آزادی دلانے کیلئے "عزم" ہیں اور ہماری ہی نسل یہ آزادی حاصل کرے گی، 28مارچ کو سکاٹش پارلیمنٹ کے اجلاس میں وزیر اعظم منتخب ہونے والے حمزہ یوسف ملک کے پہلے مسلمان وزیر اعظم بن گئے جبکہ ان کے پاس ملک کے کم عمر رکن پارلیمنٹ اور پہلے مسلمان وزیر کے خطابات بھی ہیں ۔
فرمان الہی
نماز کے اوقات
