• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشاور انتظامیہ ڈینگی کے خاتمے کیلئے متحرک ہے‘ شاہ فہد

میرا شہر
پشاور
07 مئی ، 2023
پشاور (جنگ نیوز) ڈپٹی کمشنر پشاور شاہ فہد نے ایڈیشنل ڈپٹی کمشنر (ریلیف) محمد عمران خان اور ڈسٹرکٹ ہیلتھ آفیسر ڈاکٹر محمد ادریس کے ہمراہ ایمرجنسی ریسپانس یونٹ میں میڈیا کو تفصیلات بتاتے ہوئے کہا ہے کہ صوبائی دارلحکومت پشاور میں ضلعی انتظامیہ ڈینگی کے خاتمے کے حوالے سے متحرک ہے اور ڈینگی کے خاتمے کیلئے تمام ضروری اقدامات کر رہی ہے اور روزانہ کی بنیادوں پر ضلعی انتظامیہ کی نگرانی میں محکمہ صحت کی ٹیمیں مختلف علاقوں میں گھروں اور بازاروں کا معائنہ کرتے ہوئے عوام کو آگاہی دے رہی ہیں اور لاروا کو بھی چیک کیا جاتا ہے اور یونین کونسل دفاتر اور بازاروں میں ڈینگی سے بچاؤ کے حوالے سے بینرز آویزاں کیے گئے ہیں اور سکولوں میں مارننگ اسمبلی کے دوران طلباء کو ڈینگی وائرس کے خاتمے کے حوالے سے آگاہی دی جارہی ہے۔ ڈینگی مچھر صاف پانی میں انڈے دیتا ہے اس لیے ہمیں اپنے گھر وں میں پانی کو کھڑا نہیں ہونے دینا اوراپنے گھروں میں پانی کی ٹینکیوں کو ڈھانپ کر رکھنا ہے اور ائر کولر میں بھی پانی کھڑا نہ ہونے دیں اور گھر میں کسی بھی جگہ یا برتن میں پانی کو کھلا نہ رکھیں او ر مکمل احتیاط برتیں تاکہ ڈینگی وائرس کا خاتمہ کیا جا سکے اور گھروں میں دروازہ اور کھڑکیوں میں جالیاں لگانی چا ئییں تانکہ مچھر اندر نہ گھس سکے اور گھر کے تمام افراد خصوصاََ بچے پوری آستینوں والے کپڑے پہنیں۔پشاور میں ڈینگی کے خاتمے کے لیے تمام ضروری اقدامات جا ری ہیں اور ہم سب نے مل کر ڈینگی وائرس کے خاتمے کے لیے کوشش کرنی ہوں گی اور مل کر ڈینگی وائرس کا خاتمہ کر نا ہو گا۔
پشاور سے مزید