اندرونی عناصر اور بیرونی قوتوں کا گٹھ جوڑ بے نقاب ہوچکا، آرمی چیف، روایتی اور ففتھ جنریشن وار فیئر کیلئے آپریشنل تیاریوں پر زور

راولپنڈی/کوئٹہ (ایجنسیاں)چیف آف آرمی اسٹاف جنرل سید عاصم منیر نے کہا ہے کہ افواج پاکستان اور عوام کے درمیان دوریاں پیدا کرنے اور افواج و عوام کے درمیان رشتے کو کمزور کرنے کی کوششیں کرنیوالے افراد کو ان کے مقاصد میں کبھی کامیابی حاصل نہیں ہوگی‘ عدم استحکام پیدکرنے والے اندرونی عناصر اور بیرونی قوتوں کا گٹھ جوڑ بے نقاب ہوچکا ہے ۔

تفصیلات کے مطابق جنرل سید عاصم منیر نے پیرکو کوئٹہ گیریژن کا دورہ کیا ۔آئی ایس پی آر کے مطابق آرمی چیف نے کمانڈ اینڈ اسٹاف کالج کوئٹہ کے افسران سے خطاب کیا۔

آرمی چیف نے روایتی‘ غیر روایتی آپریشنل تیاریوں اور ففتھ جنریشن وار فیئر کے حوالے سے تیاریوں پر زوردیتے ہوئے کہا کہ مسلح افواج ہمیشہ پاکستان کے بہادر اور قابل فخر لوگوں کی مقروض ہے‘.

پاک فوج دنیا کی مضبوط افواج میں سے ایک ہے‘انہوں نے کہا کہ افواج پاکستان کے عوام کی شکرگزار ہے کہ انہوں نے ملک کے طول و عرض میں افواج پاکستان سے محبت کا اظہار کیا اور دشمنوں اوران کے سہولت کاروں کو منہ توڑ جواب دیا۔

 اللہ کے فضل سے پاکستان کی عوام کا مکمل تعاون افواج پاکستان کے ساتھ ہے اور اس ساتھ کو کوئی بھی ختم کرسکتا ۔

 آرمی چیف جنرل سید عاصم منیر نے کوئٹہ گیریژن میں فوجیوں کیلئے مختلف فلاحی اسکیموں کا دورہ بھی کیا۔