• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مریم نواز کی شجاع آباد آمد، استقبال کے لیے ملتان سے ن لیگ کے قافلوں کی روانگی

میرا شہر
ملتان
12 جون ، 2023
ملتان (سٹاف رپورٹر) مریم نواز کی شجاع آباد آ مد کے سلسلے میں ملتان شہر سے قافلوں کی روانگی، تفصیلات کے مطابق مسلم لیگ ن شعبہ خواتین سٹی کے زیر اہتمام پارٹی کی مرکزی چیف آ رگنائزر مریم نواز کی شجاع آباد آ مد کے سلسلے میں ملتان شہر سے سٹی صدر و سابق رکن صوبائی اسمبلی سلطانہ شاہین، جنرل سیکرٹری وسابق رکن قومی اسمبلی شاہین شفیق کی قیادت میں سیکڑوں خواتین پر مشتمل کاروں، بسوں، جیپوں کی صورت میں ایک بڑا قافلہ روانہ ہوا، اس موقع پر لیگی خواتین نے قائد میاں نواز شریف اور مریم نواز کے حق میں نعرے بازی بھی کی، دریں اثنا مسلم لیگ ن شعبہ خواتین کی ضلعی صدر روبینہ خلیل، جنرل سیکرٹری خولہ امجد کی قیادت میں مریم نواز کی شجاع آباد آ مد کے سلسلے میں استقبال کے لئے خواتین کارکنوں کا بڑا قافلہ روانہ ہو ا جس میں مدیحہ شیخ ،ماریہ علی اور دیگر نے شرکت کی، دوسری جانب مسلم لیگ ن کے رہنما سید بابرحسین شاہ نے مریم نوازکے شجا ع آبادجلسے کے سلسلے میں ریلی نکالی، اس موقع پر ا ن کا کہنا تھا کہ مریم نوازکی سربراہی میں جنوبی پنجاب میں مسلم لیگ ن کے کارکنان کی تعداد میں تیزی سے اضافہ ہو رہا ہے، شجاع آباد جلسے میں عوام کے سمند رنے ثابت کردیا کہ عوام مسلم لیگ ن کے ساتھ ہیں، ریلی میں سابق چیئرمین اسلم ہمایوں، سابق چیئرمین چوہدری حامد آرائیں، سابق چیئرمین حاجی رفیق، سابق چیئرمین چوہدری سرور، چوہدری اسحاق سرور، رانا علی اکبر، فاروق قریشی، شہزاد غوری، چوہدری شریف سمیت کثیر تعداد میں کارکنان نے شرکت کی۔
ملتان سے مزید