• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شعیب ملک کی طرح کرکٹ میں نام بنانا چاہتا ہوں، محمد ہریرہ

آج کا اخبار
یورپ سے
06 جولائی ، 2023
کراچی (کلثوم جہاں) پاکستان ٹیسٹ اسکواڈ میں پہلی بار جگہ بنانے والے محمد ہریرہ کاکہنا ہے کہ چچا شعیب ملک کی طرح کرکٹ میں نام بنانا چاہتاہوں۔ سری لنکا کیخلاف سیریز کیلئے پاکستان اسکواڈ کا حصہ بننے پر اللہ کا شکرادا کرتا ہوں۔ کراچی کے ہائی پرفارمنس سینٹر میں میڈیا سے گفتگو کرتے ہوئےکہا کہ شعیب ملک میرے چچا ہیں، ان کی طرح کرکٹ میں نام بنانا اور طویل عرصے تک کھیلنا چاہتا ہوں۔ دورہ زمبابوے سے بہت کچھ سیکھنے کا موقع ملا اور اب سری لنکا میںکھیلنے کا چانس ملا تو عمدہ پرفارم کرنے کی کوشش کروں گا۔ ان کا مزید کہنا تھا کہ تربیتی کیمپ میںبابر اعظم سے بہت کچھ سیکھنے کا موقع مل رہا ہے۔سب نے اچھے سے استقبال کیا ہے۔خیال رہے کہ 21سالہ محمد ہریرہ نے فرسٹ کلاس کرکٹ میں 8سنچریوں کی مدد سے 2252رنز بناچکے ہیں انہوں نے 22-2021میں اپنی پہلی ہی قائداعظم ٹرافی میں ٹرپل سنچری بناکر پاکستان کی سرزمین پر جاوید میانداد کے بعد ٹرپل سنچری بنانے والے دوسرے کم عمر ترین بیٹر ہونے کا اعزاز حاصل کیا۔
یورپ سے سے مزید