• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سٹی ٹریفک پولیس پشاور نے محرم الحرام کیلئے منظم ٹریفک پلان تشکیل دیدیا

میرا شہر
پشاور
19 جولائی ، 2023
پشاور (جنگ نیوز) سٹی ٹریفک پولیس پشاور نے محرم الحرام کیلئے منظم ٹریفک پلان تشکیل دیدیا۔ تفصیل کے مطابق ماضی کی طرح امسال بھی چیف ٹریفک آفیسر قمر حیات خان نے محرم الحرام کے دوران ٹریفک کی روانی برقرار رکھنے کیلئے مختلف سیکٹروں میں 4 ایس پیز‘ 10 ڈی ایس پیز، ایک ہزار سے زائد ٹریفک آفیسرز اور ٹریفک وارڈنز سمیت دیگر نفری تعینات کی ہے اسی طرح شہر کے مختلف سیکٹروں میں 54رائیڈرز اور 18فورک لفٹرز کی ڈیوٹیاں لگا دی گئی ہیں۔ چیف ٹریفک آفیسر قمر حیات خان نے ٹریفک عملے کو ضلع بھر میں جلوسوں کی گزر گاہوں کا جائزہ لیکر ہر قسم کے سہولیات کی فراہمی کی ہدایت کی۔ جس کے مطابق سٹی ٹریفک پولیس پشاور کے افسران نے مختلف علاقوں سے محرم الحرام کے جلوسوں کے گزرنے والی راستوں کا معائنہ کیا اور مختلف مکاتب فکر کے لوگوں کی جانب سے مسائل کی نشاندہی پر اس کے فوری حل کیلئے احکامات جاری کئے۔ چیف ٹریفک آفیسر قمر حیات خان نے کہا ہے کہ ساتویں محرم الحرام سے لیکر 10 ویں محرم الحرام کے دوران جلوسوں اور عزاداری پوائنٹس کو جانیوالے راستوں کو ہر قسم کی ٹریفک کیلئے بند کیا جائیگا اور عام لوگوں کی سہولت کیلئے متبادل راستوں کا بندوبست کیا گیا ہے تاکہ شہریوں اور عزاداروں کو کسی قسم کی مشکلات درپیش نہ ہوں۔ انہوں نے مزید کہا کہ سٹی ٹریفک پولیس پشاور کے افسران وقتاً فوقتاً مختلف علاقوں میں قائم امام بارگاہوں کے دورے کر کے تمام مکاتب فکر کے لوگوں کو درپیش مسائل بارے آگاہی حاصل کرینگے اور جہاں کہیں بھی مسائل کی نشاندہی کی جائے گی اس کے فوری حل کے لئے اقدامات اٹھائے جائینگے
پشاور سے مزید