• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

زرداری سے سی پیک کے بانی کا کریڈٹ کوئی نہیں چھین سکتا، فیصل میر

میرا شہر
لاہور
01 اگست ، 2023
لاہور(سپیشل رپورٹر )پیپلز پارٹی سنٹرل پنجاب کے رہنما فیصل میر نے کہا ہے کہ آصف زرداری سے سی پیک کے بانی کا کریڈٹ کوئی نہیں چھین سکتا،ن لیگ کے دوست تاریخ مسخ کرنیکی بجائے آصف زرداری کو اسکا کریڈٹ دیں اور فوری طور پر غلط پروپیگنڈا بند کریں۔چینی حکومت سی پیک کا آغاز صدر زرداری اور صدر لی کے دور میں ہونے کا کئی بار اعادہ کر چکی ہے،آصف زرداری نے 2013میں صدر لی کیساتھ سی پیک کی بنیاد رکھی۔ ادھرصدر پیپلز پارٹی لاہور چودھری اسلم گل نے کہا ہے کہ باجوڑ خود کش دھماکہ دہشت گردی کا نیا باب کھولنے کی سازش ہے،حکومت فوری طور پر نیشنل ایکشن پروگرام شروع کرے۔علاوہ ازیں پی پی کینیڈا کے صدر جاویدگجر کے اعزاز میں پی پی پنجاب کے فنانس سیکرٹری اشرف خان نے عشائیہ دیا،جس میں عبدالقادر شاہین، میاں ایوب ، عاطف رفیق، آصف ناگرہ و دیگر شریک ہوئے۔
لاہور سے مزید