• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشاور، یوم تشکر قیام پاکستان کی تقریب‘ پرچم کشائی کی گئی

میرا شہر
پشاور
15 اگست ، 2023
پشاور(جنگ نیوز)نجی تعلیمی ادارے میں یوم تشکر قیام پاکستان کی تقریب کا اہتمام کیا گیاجس کے مہمان خصوصی پشاور بورڈ کے چیئرمین پروفیسر نصر اللہ خان نے پرچم کشائی کی ۔بعدازاں قومی ترانہ بھی طلبہ نے گایا۔پروفیسر نصراللہ خان نے کہا کہ آزادی بڑی نعمت ہے جس کی آزادی میں علماء اور صوفیاء نے بہت اہم کردار ادا کیا جبکہ علماء ہی کو اس کی حفاظت بھی کرنی ہے۔ آزادی کا تقاضا یہ ہے کہ ہم میں سے ہر ایک اپنی وسعت کے مطابق ملک سے وفاداری کا مظاہرہ کرے۔آج پہلے سے زیادہ یکجہتی اور اتفاق و اتحاد کا مظاہرہ کرنے کی ضرورت ہے۔مفتی غلام الرحمٰن نے کہا کہ اس وقت عالم اسلام کی امید کی واحد کرن پاکستان ہے اور یقیناً پاکستان اللہ کی طرف سے بڑی نعمت ہے اور اس بات کا پتہ اس وقت چلتا ہے جب آدمی ملک سے باہر دنیا میں سفر کرے۔پاکستان کو محفوظ بنانا ہمارا فرض ہے ۔ملک تب وترقی کی راہ پر گامزن ہوگا جب حب الوطنی کے ساتھ ساتھ مذہب سے بھی محبت ہو۔آج بدقسمتی سے ایک سازش کے تحت مسٹر اور ملا کے درمیان تفریق پیدا کیا جارہا ہے ۔مولانا حسین احمد نے کہا کہ آج کا دن یوم آزادی کے ساتھ ساتھ یوم تشکر اور تجدید عہد کا دن بھی ہے، قیام پاکستان کی تحریک بہت ہی دلدوز کہانیوں سے بھری ہوئی ہے۔ آزادی کے لئے علماء اور اس وقت کے مسلمانوں نے بڑی قیمت ادا کی ہے جبکہ اللہ نے ہمیں ایسی زمین نصیب کی ہے جس میں ہم آزادی کے ساتھ دین کی خدمت کرتے ہیں۔پاکستان کا قیام ایک خاص نظریہ کی بنیاد پر ہے لہٰذا آج کے دن ہمیں اس بات کا عہد کرنا ہوگا کہ جہاں کہیں اس نظریہ میں کمی و کمزوری دکھائی دے اس کو دور کرنا ہے ہمیں سوچنا چاہئے کہ آیا ہم آزادی کے مقاصد میں کامیاب ہیں یا نہیں۔اس موقع پر طلباء نے ملک کے ساتھ محبت اور وفاداری کے موضوع پر اردو، عربی اور انگریزی زبان میں تقریریں کیں اور مختلف خاکے بھی پیش کئے۔
پشاور سے مزید