• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بھارت کا ڈرون ٹیکنالوجی میں مہارت کا خواب چکنا چور، ٹرائل ناکام

آج کا اخبار
اہم خبریں
21 اگست ، 2023
نئی دہلی(آئی این پی )بھارت کا ڈرون ٹیکنالوجی میں مہارت کا خواب چکنا چور، ٹرائل بری طرح ناکام، بھارتی ریاست کرناٹک میں جنگی استعمال کے لیے تیار کردہ بغیر پائلٹ والا ڈرون ٹرائل کے دوران ایک کھیت میں گر کر تباہ ہوگیابھارتی میڈیا کے مطابق یہ ڈرون ڈیفنس ریسرچ اینڈ ڈیولپمنٹ آرگنائزیشن نے مقامی سطح پر تیار کیا تھا۔ بھارتی فوج نے ڈرون ٹیکنالوجی میں مہارت حاصل کرنے کے بلند و بانگ دعوے بھی کیے تھے۔ تاہم بھارت کا ڈرون ٹیکنالوجی میں مہارت اور اس کے جنگی استعمال سے فوجی استعداد میں اضافے کا خواب چکنا چور ہوگیا۔بھارتی وزارت دفاع کے ماتحت ادارے کا تیار کردہ ڈرون آزمائشی پرواز کے دوران ہی ایک کھیت میں گر کر تباہ ہوگیا۔ خوش قسمتی سے حادثے کے وقت کھیت میں کوئی کسان موجود نہیں تھا۔ وزارت دفاع اور ڈرون ڈیفنس ریسرچ اینڈ ڈیولپمنٹ آرگنائزیشن سر جوڑ کر بیٹھ گئے۔
اہم خبریں سے مزید