فرمان الہی
نماز کے اوقات
کراچی(اسٹاف رپورٹر)پاکستان مسلم لیگ فنکشنل سندھ کے جنرل سیکریٹری و جی ڈی اے کے سیکرٹری اطلاعات سردار عبد الرحیم نے گزشتہ شب ضلع وسطی کی مرکزی کابینہ سے مسلم لیگ فنکشنل سندھ کی رابطہ کمیٹی رکن و سیکریٹری اطلاعات ضلع وسطی علیم راٹھور کے گھر پر آنے والے ذمہ داران کے وفد سے گفتگو کرتے ہوئے کہا کہ ذمہ داران کراچی کے تمام انتخابی حلقوں سے انتخابی امیدوار نامزد کرنے کی فہرست مرتب کریں ، جی ڈی اے کراچی سے کشمور تک عام انتخابات میں تمام حلقوں میں اپنے امیدوار کھڑے کرے گی۔ انہوں نے تمام ذمہ داران خصوصاً ضلع وسطی کے صدر ارمان فیاض اور دیگر اضلاع کے عہدیداران کو ہدایات جاری کرتے ہوئے کہا کہ کراچی کے تمام انتخابی حلقوں سے انتخابی امیدوار نامزد کرنے کی فہرست مرتب کریں ، سردار عبدالرحیم نے مزید کہا کہ سندھ بھر میں عوامی رابطہ مہم کا آغاز کیا جائے ، جی ڈی اے کی قیادت جلد سندھ کے دورے پر روانہ ہوگی، انہوں نے کہا کہ کارکنان کی فکری تربیت کا بھی آغاز کیا جائے تاکہ انتخابی مہم کو موثر انداز میں چلایا جاسکے۔
