فرمان الہی
نماز کے اوقات
پشاور (آئی این پی ) خیبر پختونخوا میں ایم ڈی کیٹ کے بعد پبلک سروس کمیشن کے ٹیسٹ میں بھی جدید طریقے سے نقل کیے جانے کا انکشاف ہوا ہے ۔ کے پی کے پبلک سروس کمیشن کی زیر نگرانی گریڈ 17کیلئے ٹیسٹ میں امیدوار نقل کرتے پکڑے گئے۔ پبلک سروس کمیشن نوٹس کے مطابق محکمہ آبپاشی ،سی این ڈبلیو میں ملازمت کیلئے منعقدہ امتحان میں 18امیدوار نقل کرتے ہوئے رنگے ہاتھوں پکڑے گئے ہیں۔ نقل کرنے والے امیدواروں سے الیکٹرانک ڈیوائسز، گائیڈ اور نقل کے دوسرے مواد برآمد کیے گئے ہیں۔ پبلک سروس کمیشن کے مطابق کارروائی وزیراعظم پورٹل پر شکایت کے بعد کی گئی پکڑے گئے امیدواروں کے پرچے کینسل کر دیئے گئے ہیں۔ نقل ثابت ہونے پر ایک سے 3سال تک پابندی لگائی جائے گی۔ واضح رہے کہ اس سے پہلے میڈیکل داخلہ ٹیسٹ (ایم ڈی کیٹ) میں بھی نقل کا انکشاف ہوا تھا، جس کے بعد ملوث طلبہ پر2سال کیلئے امتحان دینے پر پابندی عائد کردی گئی تھی۔
