• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

غزہ جنگ کے اثرات ایرانی پارلیمانی انتخابات پر حاوی، تیاریاں شروع

آج کا اخبار
اہم خبریں
20 نومبر ، 2023
تہران(اے ایف پی) گو کہ اگلے سال ایران میں پارلیمانی انتخابات کی تیاریاں بھی ہورہی ہیں مگر غزہ اور اسرائیل کی جنگ نےسب سے زیادہ ایرانی عوام کی توجہ حاصل کی ہوئی ہے۔ ایران نے اگست کے بعد سے 1 مارچ 2024 کو ہونے والے آئندہ پارلیمانی انتخابات میں امیدواری کے لیے رجسٹریشن کا آغاز کر دیا ہے۔ گزشتہ ہفتے، حکام نے اعلان کیا کہ 24,982 درخواست دہندگان میں سے، تقریباً 28 فیصد کو ابتدائی جانچ کے مرحلے میں نااہل قرار دے دیا گیا ہے۔ اس فیصلے کے خلاف اپیل کی جا سکتی ہے اور 290 نشستوں والی پارلیمنٹ کے لیے مقابلہ کرنے والے امیدواروں کی حتمی فہرست کا اعلان مارچ کے ووٹ سے ایک ماہ قبل کیا جائے گا۔ انتخابات کی تیاریاں جاری ہیں، ایران میں بہت سے لوگ بڑھتی ہوئی معاشی مشکلات اور گزشتہ سال مہسا امینی کی موت کے بعد شروع ہونے والے عوامی احتجاج کے آفٹر شاکس میں مصروف ہیں۔
اہم خبریں سے مزید