• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پیپلز پارٹی عوام کے ووٹوں سے بھاری مینڈیٹ حاصل کرے گی ، یوسف رضا گیلانی

میرا شہر
ملتان
13 دسمبر ، 2023
ملتان(سٹاف رپورٹر ) سابق وزیراعظم سید یوسف رضا گیلانی نے کہا ہے کہ مہنگائی ، غربت،بے روزگاری کے خاتمے کے لیے پیپلز پارٹی کی جدوجہد کسی سے پوشیدہ نہیں ہے ہم نے ایوانوں میں ہمیشہ عام ادمی کی بھلائی کے لیے اقدامات کیے اور جنوبی پنجاب کی ترقی و خوشحالی کے لیے ترقیاتی منصوبے سب کے سامنے ہیں۔یونین کونسلز کی سطح پر بھی ترقیاتی کاموں کو ترجیح دی ان خیالات کا اظہار انہوں نے امیدوار یو سی قاسم بیلہ کے چیئرمین سید رفیق شاہ اور معززین علاقہ کی پاکستان پیپلز پارٹی میں شمولیت کے اعلان کے موقع پر گفتگو میں کیا اس موقع پر سید رفیق شاہ نے سید یوسف رضا گیلانی اور سید مدثر شاہ کی حمایت اور انتخابی مہم چلانے کا اعلان کیا اور کہا کہ وہ ان کے شانہ بشانہ کھڑے ہیں۔ یوسف رضا گیلانی نے مزید کہا کہ جیالے گھر گھر جا کر پارٹی چیئرمین بلاول بھٹو زرداری کے پیغام کو عام کریں پیپلز پارٹی عوام کے ووٹوں کی طاقت سے بھاری مینڈیٹ حاصل کرے گی ۔
ملتان سے مزید