• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ملتان، چور ی ڈکیتی کی کئی وارداتیں، تاجر 50تولے زیورات اور سامان سے محروم

میرا شہر
ملتان
13 دسمبر ، 2023
ملتان(سٹاف رپورٹر) نیو ملتان کے علاقے مسلم ٹاؤن میں ایک ہی رات میں چوری کی 3 وارداتیں، چورگھنٹہ گھرکے معروف تاجر کے گھر سے 50 تولے سے زائد طلائی زیورات اور قیمتی سامان لوٹ کرلے گئے جب کہ چوری وڈکیتی کی دیگر مختلف وارداتوں میں شہری 7تولے سونا، 3موٹر سائیکلوں، 10موبائل فونز، نقدی، مویشیوں اور دیگر قیمتی سامان سے محروم ہوگئے، تفصیلات کے مطابق تھانہ نیوملتان کے علاقے مسلم ٹاؤن میں پیر اور منگل کی درمیانی شب نامعلوم چوروں نے تین مختلف گھروں میں وارداتیں کرکے کروڑوں روپے کے طلائی زیورات اورنقدی لوٹ لی اورباآسانی فرار ہو گئے، چوروں نے مسلم ٹاؤن گلی نمبرنو میں گھنٹہ گھرکے معروف تاجرحاجی نوید اخترکے گھر کے لاکرمیں موجود 50 تولے سے زائد طلائی زیورات اورقیمتی اشیا چرا لیں اورفرار ہو گئے، دوسری واردات میں گلی نمبر7 کے رہائشی شہری کے گھرسے تین تولے سونا اوراڑھائی لاکھ روپے جب کہ گلی نمبر8 سے شہری کے گھرسے 4 تولے سونا اورپچاس ہزار روپے چوری کر لیے ، چوروں یہ تینوں وارداتیں یکے بعد دیگرے کیں اورباآسانی فرار ہوگئے ، اطلاع ملنے پرپولیس تھانہ نیوملتان اورفرانزک ٹیمیں موقع پرپہنچ گئیں، نیوملتان پولیس نے تینوں واقعات کے الگ الگ مقدمات درج کرلیے، دوسری جانب پولیس تھانہ نیو ملتان کے علاقے میں مسلم ٹاون میں  نامعلوم ملزمان نے تاجر نوید اختر کے گھر سے 50 تولے سونا، نقدی اور دیگر قیمتی سامان چوری کر لیا جب کہ اسی تھانہ کے علاقے میں دو شہریوں کے گھر سے نامعلوم ملزمان سات تولے سونا، نقدی اور دیگر قیمتی سامان بھی لے گئے، پولیس تھانہ الپ کے علاقے میں فضل عباس کے گھر سے نامعلوم ملزمان لاکھوں روپے مالیت کے جانور لے گئے، پولیس تھانہ کپ کے علاقے میں نامعلوم چور نے عمر کے گھر سے ایک لاکھ سے زائد مالیت کا سامان چوری کر لیا، پولیس تھانہ صدر شجا ع آباد کے علاقے میں نامعلوم ملزمان نے صغیر کے گھر سے ایک لاکھ 20 ہزار روپے مالیت کا سامان چوری کر لیا، پولیس تھانہ بدھلہ سنت کے علاقے میں ڈاکوؤں نے محسن سے ہزاروں روپے اور موبائل فون چھین لیا، پولیس تھانہ بہاؤ الدین زکریا کے علاقے میں ڈاکوؤں نے احمد سے ہزاروں روپے اور موبائل فون چھین لیا، پولیس تھانہ نیو ملتان کے علاقے میں عمیر، لوہاری گیٹ کے علاقے میں ہاشم اور کوتوالی کے علاقے میں حسین کی موٹرسائیکلیں چوری ہو گئیں جب کہ دیگر مختلف وارداتوں میں شہری موبائل فونز، نقدی اور دیگر سامان سے محروم ہو گئے۔
ملتان سے مزید