• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی اسلام آبادکے مختلف علاقوں سےتین لڑکیوں سمیت 8 افراد اغواء

میرا شہر
اسلام آباد
17 دسمبر ، 2023
راولپنڈی(سٹاف رپورٹر)راولپنڈی اسلام آباد کے مختلف علاقوں سےتین لڑکیوں سمیت 8افرادکو اغواءکرلیاگیا۔ تھانہ رتہ امرال کو پرویز اختر نے بتایا کہ میری بیٹی(ع)بی بی عمر 14سال کو نومی اعوان اغواء کر کے لے گیا ۔ بیٹی جاتے ہوئے گھر سے تین لاکھ ستر ہزار روپے لے گئی۔تھانہ آراے بازارکو محمد رفیق نے بتایا کہ میری28سالہ بیٹی (الف) جس کا 2سال قبل محمد رضوان سے نکاح ہواتھا کو کسی نامعلوم نے اغواءکرلیا۔ تھانہ کراچی کمپنی کومحمدشہزاد کیانی نے بتایاکہ میراچھوٹا20 سالہ بھائی زبیرکیانی جس کاذہنی توازن ٹھیک نہیں ہے گھرسے نکل گیا جو تلاش کے باوجودنہ ملا۔تھانہ گولڑہ کوعاصم زیب نے بتایاکہ عثمان آئل کی دکان میں موجود تھاجس کوعدنان ،نعمان ،زریاب تین نامعلوم افرادکے ہمراہ اغواکرکے لے گئے ،خان افسر نامی شخص نے فون کرکے کہاکہ تمہار ابھائی ہمارے پاس ہے 10لاکھ روپے لے کر آؤ اور اپنے بھائی کولے جاؤ،ورنہ صبح تک ہم تمہارے بھائی کو ماردیں گے ۔تھانہ سبزی منڈی کو روبینہ اخترنے بتایاکہ میرے شوہر محمدغلام کو نامعلوم افراد اغواکرکے لے گئے ۔تھانہ کھنہ کو ساجد محمودنے بتایاکہ میرابیٹا شعیب ساجدعمر14سال گھرسے سائیکل ٹھیک کرانے کے لئے گیا جو تاحال واپس نہ آیا۔تھانہ کھنہ کوربانی خان نے بتایاکہ بلال ٹاؤن میں اپنی سکریپ کی دکان پر بیٹھے ہوئے تھے کہ ایک ہائی ایس گاڑی آئی جس میں سے تین مسلح ملزمان نیچے اترے جومیرے چچا قدیم خان کو اغواکرکے لے گئے۔تھانہ کورال کو محمدرمضان نے بتایاکہ میری بیٹی (ث)عمر 18سال بازار سے سامان لینے کے لئے گئی جوواپس نہ آئی ۔ سائل کوشہروزنامی لڑکے پر شک ہے کہ اسے ورغلاپھسلاکر لے گیاہے ۔
اسلام آباد سے مزید