لاہور(خصوصی نمائندہ،اپنے نامہ نگار سے،خصوصی رپورٹر)لاہور پریس کلب کے سالانہ الیکشن میں جرنلسٹ ،پروگریسو گروپ نے کامیابی حاصل کر لی ہے۔ جرنلسٹ پروگریسو گروپ کی طرف سے ارشد انصاری 984ووٹ لیکر صدر،زاہد عابد 983 ووٹوں سے سیکرٹری منتخب ہو گئے،پائینرز پینل کے صدر کیلئے امیدوار شہباز میاں اور سیکرٹری کے امیدوار شاداب ریاض نے811 ووٹ حاصل کیے،سینئر نائب صدر پر پائینرز کے شیراز حسنات 1035 ووٹ لے کر کامیاب قرار پائے ، ضیا اللہ خان نیازی کو733ووٹ ملے۔نائب صدر کیلئے جرنلسٹ پروگریسو کے امجد عثمانی 1008ووٹ لیکر جیت گئے،رانا اکرام کو739 ووٹ ملے۔پائینرز کے جعفر بن یار 902 ووٹ لے کر جوائنٹ سیکریٹری بن گئے، فرخ عطاء بٹ کو 865 ووٹ ملے۔ سالک نواز 996 ووٹ لے کر خزانچی منتخب ہو ئے، مد مقابل شاہد چوہدری کو 793 ووٹ حاصل کیے۔ گورننگ باڈی میں جرنلسٹ پروگریسو کے اعجاز مرزا،شہباز چوہدری، عمران علی شیخ، سید بدر سعید،بابا عابد حسین اور فاطمہ مختار جبکہ پائینرز کے رانا شہزاد، محسن بلال اور عالیہ خان کامیاب قرار پائے۔ پیپلز پارٹی وسطی پنجاب کے قائدین راجہ پرویز اشرف،رانا فاروق سعید،شہزادچیمہ اوردیگر، استحکام پاکستان پارٹی کے صدرعبدالعلیم خان،پراسیکیوٹر جنرل فرہاد علی شاہ،امیر جماعت اسلامی سراج الحق، لیاقت بلوچ،امیر العظیم ودیگرنے پریس کلب کی نومنتخب باڈی کوکامیابی پرمباکباددی ہے۔وزیر اطلاعات پنجاب عامر میر نے نو منتخب عہدیداروںکو مبارکباد پیش کرتے ہوئے امید ظاہر کی کہ صدر ارشد انصاری اور سیکرٹری زاہد عابد کی قیادت میں پریس کلب کے عہدیداران صحافیوں کے دیرینہ مسائل کے حل میں اہم کردار ادا کریں گے۔پنجاب حکومت صحافیوں کی فلاح و بہبود کیلئے تاریخی اقدامات لے رہی ہے۔
فرمان الہی
نماز کے اوقات
