• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پی پی جنوبی پنجاب کی تمام تنظیموں کو لاڑکانہ کے جلسے میں شرکت کی ہدایت

میرا شہر
ملتان
26 دسمبر ، 2023
ملتان (سٹاف رپورٹر) پاکستان پیپلز پارٹی جنوبی پنجاب کے صدر و سابق گورنر پنجاب مخدوم سید احمد محمود، سینئر نائب صدر پاکستان پیپلز پارٹی جنوبی پنجاب خواجہ رضوان عالم اور چیف کوآرڈینیٹر پاکستان پیپلز پارٹی جنوبی پنجاب عبدالقادر شاہین نے جنوبی پنجاب کی تمام تنظیموں اور الائیڈ ونگز کو 27 دسمبر 2023ء کو شہید بینظیر بھٹو کی 16 ویں برسی کی لاڑکانہ مرکزی تقریب میں شرکت کی ہدایات جاری کر دیں، 27 دسمبر کو گڑھی خدا بخش میں منعقدہ تقریب کے جلسہ سے پارٹی چیئرمین بلاول بھٹو زرداری، سابق صدر آصف علی زرداری، چاروں صوبوں کے پارٹی صدور سمیت پارٹی کے مرکزی عہدیداران شہید محترمہ بینظیر بھٹو کو خراج عقیدت پیش کرنے کے ساتھ 8 فروری کو ملک بھر میں ہونے والے عام انتخابات کے حوالے سے ہدایات بھی جاری کریں گے، مخدوم سید احمد محمود نے جنوبی پنجاب کی تمام پارٹی تنظیموں پر زور دیتے ہوئے کہا ہے کہ وہ اپنے جیالوں سمیت انتخابی محاذ سنبھالیں، نئے جوش و جذبے سے انتخابی مہم شروع کریں۔
ملتان سے مزید