پیرس (رضا چوہدری ) شہید بینظیر بھٹو کی 16ویں برسی کے موقع پر پاکستان پیپلزپارٹی یورپ کے صدر ڈاکٹر ارشاد علی کمبوہ نے کہا ہے کہ شہید بینظیر بھٹو کرشماتی لیڈر تھیں جن کا ویژن جدید ترقی یافتہ خوشحال پاکستان تھا۔ پاکستان پیپلز پارٹی کے قائدین اور ورکرز آج بھی شہید بینظیر بھٹو کے نظریات و افکار سے رہنمائی حاصل کررہے ہیں۔پیپلز پارٹی کا ہر جیالا چیئرمین بلاول بھٹو زرداری کی قیادت میں شہید رہنماؤں کے مشن کی تکمیل کیلئے پُر عزم ہے۔شہید بینظیر بھٹو کی برسی پر چیئرمین بلاول بھٹو گڑھی خدا بخش سے انتخابی مہم کا آغاز کررہے ہیں۔پیپلز پارٹی پنجاب سمیت تمام صوبوں میں سرپرائز دینے کیلئے تیار ہے۔شہید بینظیر بھٹو کی طرح بلاول بھٹو زرداری بھی نوجوان نسل کے لیڈر ہیں۔ عوام انتخابات میں ووٹ کی طاقت سے شہید بینظیر کی پارٹی پر بھرپور اعتماد کا اظہار کریں گے۔پیپلزپارٹی واحد جماعت ہےجس نے اپنے منشور پرعمل کیا،حکومت بنانے کے بعد شہید بینظیر بھٹو کے خوابوں کو تعبیر دیں گے۔
فرمان الہی
نماز کے اوقات
