فرمان الہی
نماز کے اوقات
کراچی(اسٹاف رپورٹر)پریذیڈنٹ ٹرافی کرکٹ کے تیسرے راؤنڈ کے پہلے دن ایس این جی پی ایل کے شاہنواز دھانی نے اسٹیٹ بینک کیخلاف ہیٹ ٹرک کی۔اسٹیٹ بینک کی ٹیم 170 رنز بناکر آؤٹ ہوگئی۔ شاہنواز دھانی نے 40 رنز دے کر 6 وکٹیں حاصل کیں ۔ ایس این جی پی ایل نے کھیل کے اختتام پر چار وکٹ پر 48 رنز بنائے تھے ۔ نیشنل بینک اسٹیڈیم میں سعد نسیم کے 150 رنز کی بدولت غنی گلاس نے نو وکٹ پر 319 رنز بنائے ۔ جواب میں سرکاری ٹی وی کی دو وکٹیں صفر پر گرچکی تھیں۔ یوبی ایل اسپورٹس کمپلیکس میں کے آر ایل نے 7 وکٹ پر 411 رنز بناڈالے۔ عبدالفصیح نے 153 رنز بنائے ۔ ہائر ایجوکیشن نے کھیل ختم ہونے تک ایک وکٹ پر 41 رنز بنائے تھے۔
