• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چارسدہ، ڈی پی او، ڈی سی کا الیکشن میٹریل ترسیل ڈسٹربیوشن پوائنٹ کا دورہ

میرا شہر
پشاور
08 فروری ، 2024
پشاور(اے پی پی)ضلعی پولیس سربراہ (ڈی پی او) چارسدہ نذیر خان اور ڈپٹی کمشنر چارسدہ عدنان فرید خان نے الیکشن میٹریل کی ترسیل کےلیے قائم کئے گئے ڈسٹربیوشن پوائنٹ عبدالولی خان سپورٹس کمپلیکس کا دورہ کیا۔چارسدہ پولیس کی جانب سے جاری بیان کے مطابق ڈسٹربیوشن پوائنٹ عبدالولی خان سپورٹس کمپلیکس میں پولیس کی بھاری نفری تعینات کی گئی ہے اور سکیورٹی کے فول پروف انتظامات کئے گئے ہیں،چارسدہ میں انتخابی میٹریل کی ترسیل سخت سکیورٹی انتظامات میں جاری ہے،سکیورٹی انتظامات کا جائزہ لینے کیلئے ڈسٹرکٹ پولیس آفیسر چارسدہ نذیر خان ڈسٹربیوشن پوائنٹ عبدالولی خان سپورٹس کمپلیکس میں خود موجود ہیں،چارسدہ پولیس پُرامن انتخابات اور عوام کو سازگار ماحول فراہم کرنے کے لیے پُرعزم ہے، پُرامن انتخابات کو یقینی بنانے کے لیے تمام سکیورٹی انتظامات کی نگرانی ڈسٹرکٹ پولیس آفیسر چارسدہ نذیر خان خود کررہے ہیں۔
پشاور سے مزید