فرمان الہی
نماز کے اوقات
کراچی (اسٹاف رپورٹر)شہر کے مختلف علاقوں میں فائرنگ کے واقعات میں 6 افراد زخمی ہوگئے ۔تفصیلات کے مطابق سپر ہائی وے جمالی پل کے نیچے فائرنگ کے واقعہ میں 2 افراد زخمی ہوگئے۔ زخمیوں کی شناخت 30 سالہ فہیم احمد اور 45 سالہ طاہر کے نام سے کی گئی جنھیں ٹانگ اور کاندھے پر گولیاں لگی ،ابتدائی طور پر معلوم ہوا ہے کہ واقعہ ڈکیتی کے دوران مزاحمت پر پیش آیا۔کورنگی نمبر 6عدنان میڈیکل کے قریب ڈاکوؤں کی فائرنگ سے 38 سالہ شکیل ولد جمیل زخمی ہوگیا جسے جناح اسپتال منتقل کیا گیا ۔سہراب گوٹھ کے علاقے لاسی گوٹھ میں فائرنگ کے پراسرار واقعہ میں ایک شخص شدید زخمی ہوگیا جسے فوری طبی امداد کے لیے عباسی شہید اسپتال لیجایا ، پولیس کے مطابق زخمی کی شناخت 25 سالہ بادل کے نام سے کی گئی جبکہ واقعہ اتفاقیہ گولی چلنے کے باعث پیش آیا ،زخمی کے پیٹ پر گولی لگی ہے اور اس کی حالت تشویشناک بتائی جاتی ہے ۔ سرجانی ٹاؤن سیکٹر ٹو شاداب فلیٹ کے قریب نامعلوم سمیت سے آنے والی گولی بائیں بازو پر لگنے سے 62 سالہ محمد اسحاق ولدرسول زخمی ہوگیا جس کو عباسی شہید اسپتال منتقل کیا گیا ۔سپر ہائی وے ہینو بس اسٹاپ کے قریب نامعلوم ملزمان کی فائرنگ سے 50سالہ خان وحید زخمی ہوگیا جس کو عباسی شہید اسپتال منتقل کیا گیا تاہم پولیس واقعہ کی مزید تفتیش کررہی ہے ۔
