فرمان الہی
نماز کے اوقات
ملتان (سٹاف رپورٹر)سی پی او ملتان صادق علی نے پاکستان سپر لیگ کے ملتان کرکٹ اسٹیڈیم میں کھیلے جانے والے میچ کے لیے سیکیورٹی انتظامات کا جائزہ لیا، ایس ایس پی آپریشنز ملتان ارسلان زاہد نے سیکیورٹی انتظامات کے حوالے سے بریفنگ دی،انہوں نے بتایا کہ کہ پی ایس ایل کے لیے تمام انتظامات مکمل کر لیے گئے ہیں، کرکٹ اسٹیڈیم، روٹس اور کھلاڑیوں اور آفیشلز کی رہائش گاہوں کے گردو نواح میں سرچ آپریشن کروائے جا رہے ہیں، ایس ایس پی آپریشنز ملتان نے سی پی او ملتان کو سیکیورٹی انتظامات بارے بریفنگ دیتے ہوئے بتایا کہ ٹیموں کے روٹس، ہوٹلز اور اسٹیڈیم کے اندر و باہر سی سی ٹی وی کیمروں کے ذریعے مانیٹرنگ کی جا رہی ہے، سی پی او ملتان نے ہدایت کی کہ پی ایس ایل 9ملتان کرکٹ اسٹیڈیم میں کھیلے جانے والے میچز کے دوران کھلاڑیوں، آفیشلز اور شائقین کی فول پروف سکیورٹی کے لیے ہر افسر و جوان کردار ادا کرے۔
